Microsoft မှ ထရန်စ္စတာအသုံးမပြုပဲ တွက်ချက်မှုပြုလုပ်နိုင်သည့် Analog Optical ကွန်ပြူတာကိုဖန်တီးနေ

Image via TechSpot

Microsoft ဟာ Moore ဝိသေသနဲ့သက်ဆိုင်ခြင်းမရှိပဲ ဆန်းသစ်ပြီး future-proof ဖြစ်တဲ့ ကွန်ပြူတာဒီဇိုင်းတစ်ခုကိုဖန်တီးနေပါတယ်။ ဒီကွန်ပြူတာကို Analog Iterative Machine (AIM) လို့ အမည်ပေးထားပါတယ်။ ၎င်းဟာ ထရန်စ္စတာနဲ့ binary ဒေတာတွေ မလိုအပ်ပဲ ဖိုတွန်နဲ့ အီလက်ထရွန်တွေကိုအသုံးချကာ ရှုပ်ထွေးတဲ့တွက်ချက်မှုတွေကို တိုက်ရိုက်တွက်ချက်ပေးမယ့် အင်နာလော့ ကွန်ပြူတာတစ်မျိုးဖြစ်ပါတယ်။

Image via TechSpot

Microsoft ရဲ့ AIM ဟာ အချက်အလက်တွေတွက်ချက်ဖို့ bit သို့ byte တွေအသုံးမပြုတာကြောင့် ပုံမှန်အားဖြင့် ကွန်ပြူတာတစ်လုံးလို့ တိတိကျကျမဆိုနိုင်ပါဘူး။ ဒါပေမယ့် သူဟာ လက်ရှိ အဆင့်အမြင့်ဆုံးပါဆိုတဲ့ ဆီလီကွန်အခြေခံ ဒစ်ဂျစ်တယ်နည်းပညာ (သို့မဟုတ်) လက်ရှိဖန်တီးနေတဲ့ ကွန်တမ်ကွန်ပြူတာတွေထက်သာလွန်တဲ့အချက်တွေကိုပြသထားနိုင်ပါတယ်။

AIM ကို ယေဘူယျအလုပ်တွေအတွက် ဒီဇိုင်းထုတ်ထားတာမဟုတ်ပေမယ့် အဆိုပါကွန်ပြူတာအနေနဲ့ traveling salesman riddle လိုခက်ခဲတဲ့ပြဿာနာတွေကိုဖြေရှင်းရာမှာ အသုံးဝင်ပါတယ်။ Microsoft အဆိုအရ ဘဏ္ဍာရေး၊ သယ်ယူပို့ဆောင်ရေး၊ စွမ်းအင်၊ ကျန်းမာရေးစောင့်ရှောက်မှုနဲ့ ကုန်ထုတ်လုပ်မှုအပါအဝင် သင်္ချာပညာရပ်ကိုအများအပြားအသုံးချရတဲ့လုပ်ငန်းတွေအတွက် အလွန်အသုံးဝင်တယ်လို့ဆိုပါတယ်။ ကြီးထွားလာတဲ့ပြဿနာတစ်ခုမှာ ဖြစ်နိုင်ချေရှိတဲ့အရာတွေကိုခွဲထုတ်ကြည့်ဖို့ရာ သမားရိုးကျ ဒစ်ဂျစ်တယ်ကွန်ပြူတာတွေအနေနဲ့ အချိန်မကုန်၊ စွမ်းအင်သုံးစွဲမှုနဲ့ ကုန်ကျစရိတ်သက်သာစွာ ဖြေရှင်းနိုင်ဖို့ အတော်လေးရုန်းကန်နေရပါတယ်။

Image via TechSpot

AIM ဟာ အလင်းရဲ့ အလျင်နဲ့အလုပ်လုပ်တာမို့ ယနေ့ဒစ်ဂျစ်တယ်ကွန်ပြူတာတွေထက် အဆ ၁၀၀လောက် ပိုစွမ်း‌ပါတယ်။ လက်ရှိမှာ AIM ဟာ သုတေသနစီမံကိန်းအဆင့်မှာသာရှိလို့ ဖြေနိုင်ခြေရှိတဲ့သုံးစွဲသူတွေအတွက် အကန့်အသတ်နဲ့သာဝင်ရောက်သုံးစွဲနိုင်ပါသေးတယ်။ သို့ပင်သော်ငြား ဒီစက်ကို ဗြိတိန်ဘဏ္ဍာရေးကုမ္ပဏီ Barclays က စမ်းသပ်နေကာ စတော့ဝယ်ယူတဲ့အခါ ငွေလွဲပြောင်းမှုကိုအခြေခံရာမှာသုံးစွဲနေပါတယ်။ AIM ရဲ့ algorithm ကို စွမ်းဆောင်ရည်မြင့် GPU မှာ သွင်တူပြုထားတဲ့ cloud အခြေခံဝန်ဆောင်မှုတစ်ခုကို မကြာခင်ရရှိ‌နိင်တော့မယ်လို့သိရပါတယ်။

Source: TechSpot

#EnThueTech
#News
#HPC