ရုရှားအေးဂျင့်များသည် ဂိမ်းချန်နယ်များတွင် စိမ့်ဝင်ရန်ကြိုးပမ်းနေကြောင်း Microsoft မှ သတိပေး

Image: Peter Summers/Getty Images

Semofor မှာကျင်းပတဲ့ ကမ္ဘာ့စီးပွားရေးထိပ်သီးအစည်းအဝေးမှာ Microsoft ရဲ့ ဒုဥက္ကဌတစ်ဦးဖြစ်သူ Brad Smith က "သူတို့ကုမ္ပဏီရဲ့ လုံခြုံရေးဆိုင်ရာခွဲခြမ်းစိတ်ဖြာမှုပြုလုပ်တဲ့အဖွဲ့တွေဟာ ရုရှားအေးဂျင့်တွေအနေနဲ့ ဂိမ်းအသိုင်းအဝန်းတွေအတွင်း အချက်အလက်တွေမျှဝေဖို့ကြိုးပမ်းနေတာကိုတွေ့ရှိရတယ်"လို့ ဆိုပါတယ်။

"ဒီကိစ္စအပေါ် အစိုးရတွေကို အကြံပြုထားပြီးဖြစ်တယ်"လို့ သူကဆက်ပြောပါတယ်။ "သိတယ်မလား သူတို့က ဗက်ဂ်နာအဖွဲ့၊ ရုရှားထောက်လှမ်းရေးတွေဖြစ်ပြီး ဂိမ်းအသိုင်းအဝန်းတွေကိုအသုံးချပြီး အချက်အလက်တွေဝေမျှဖို့လုပ်နေတာပါ။ ခုလိုဖြစ်တဲ့ကိစ္စမှာ Minecraft နဲ့သက်ဆိုင်တဲ့ Discord ချန်နယ်တွေ အခြားဂိမ်းအသိုင်းအဝန်းတွေလည်းပါဝင်တယ်" လို့သူကဆိုပါတယ်။

ဗက်ဂ်နာအဖွဲ့ (Wagner Group)ဆိုတာ ပုဂ္ဂလိကစစ်ဘက်ဆိုင်ရာအဖွဲ့အစည်းတစ်ခုဖြစ်ပြီး ရုရှားသမ္မတပူတင်ရဲ့ မဟာမိတ်တစ်ဦးက‌တည်ထောင်ထားတာဖြစ်ပါတယ်။ ဒီအဖွဲ့ဟာ ရုရှားအစိုးရနဲ့နီးကပ်စွာလုပ်ဆောင်နေပြီး ရုရှားကာကွယ်ရေးဝန်ကြီးဌာန သို့ ရုရှားထောက်လှမ်းရေး GRU ရဲ့ တရားဝင်မဟုတ်သော်ငြား ပေါင်းစပ်လုပ်ကိုင်နေသည့် အဖွဲ့အစည်းတစ်ခုအဖြစ် သတ်မှတ်ထားပါတယ်။

"ရုရှား-ယူကရိန်းစစ်ပွဲနဲ့ ပတ်သက်ပြီး ဝါဒဖြန့်ချီမှုနဲ့ အချက်အလက်မှားတွေကိုဖြန့်နိုင်တာကြောင့် ဒီလိုဂိမ်းအသိုင်းအဝိုင်းကိုထိုးဖောက်ဝင်ရောက်လာတာကိုတားဆီးဖို့အ‌ရေးကြီးတယ်"လို့ Smith ကဆိုပါတယ်။ ဒါဟာ Call of Duty ဂိမ်းကစားနေသလိုမဟုတ်ပဲ လက်တွေ့ဘဝမှာ အသက်ဆုံးရှုံးမှုတွေဖြစ်ပေါ်စေနိုင်တယ်လို့သူကဆိုပါတယ်။

Image via BBC 

အမေရိကန်ထောက်လှမ်းရေးသတင်းအချက်အလက်အမြောက်အများ Minecraft Discord ဆာဗာမှာ မျှဝေခဲ့ရာက Twitter၊ 4chan နဲ့ Telegram တွေမှာ ပြန့်နှံ့သွားခဲ့တဲ့သတင်းတွေထွက်ပေါ်လာခဲ့အပြီး မကြာခင် Smith ရဲ့ကြေညာချက်ထွက်ပေါ်လာခဲ့တာဖြစ်ပါတယ်။ အဆိုပါထောက်လှမ်းရေးအချက်အလက်တွေမှာ ယူကရိန်းအပေါ်အမေရိကန်ရဲ့အကူအညီတွေနဲ့ အာဖရိကတိုက်မှာ ဗက်ဂ်နာအဖွဲ့ရဲ့စစ်ဆင်ရေးတွေအကြောင်းပါရှိပါတယ်။ ဒါတင်မက အစ္စရေး၊ ယူအေအီးနဲ့ တောင်ကိုးရီးယားနိုင်ငံတွေရဲ့ လှို့ဝှက်အချက်အလက်တွေလည်းပါဝင်ပါတယ်။

လွန်ခဲ့တဲ့ရက်အနည်းငယ်က အက်ဖ်ဘီအိုင်အေးဂျင့်တွေဟာ နိုင်ငံတော်ကာကွယ်ရေးအချက်အလက်တွေကို တရားမဝင်မျှဝေခဲ့မှုနဲ့ အသက်၂၁အရွယ်ရှိတဲ့ မက်ဆာချုးဆက်ပြည်နယ် အမျိုးသားအစောင့်လေတပ်က ဒုဗိုလ် Jack Douglas Teixeira ကို သူ့ရဲ့နေအိမ်မှာ ထိန်းသိမ်းခဲ့ပါတယ်။ Teixeira ဟာ ထိပ်တန်းလျို့ဝှက်ချက်တွေအတွက် အမေရိကန်ဖက်ဒရယ်အစိုးရရဲ့ အမြင့်ဆုံးလုံခြုံရေးကင်းလွတ်မှုကို ရရှိထားသူဖြစ်ပါတယ်။ New York Times သတင်းဌာနက Teixeira ဟာ လူ၂၀ကနေ ၃၀အကြားရှိ Thug Shaker Central ဆိုတဲ့ Discord ဂရုရဲ့ခေါင်းဆောင်ဖြစ်တယ်လို့ဆိုပါတယ်။ သူဟာ ထိပ်တန်းအချက်အလက်တွေကို ပြီးခဲ့တဲ့လအနည်းငယ်မှာ မျှဝေခဲ့တယ်လို့ စွပ်စွဲခံထားရပါတယ်။ အခြားအဖွဲ့ဝင်တစ်ယောက်ကလည်း အချို့အချက်အလက်တွေကို အများသူငှာအသုံးပြုတဲ့ဖိုရမ်မှာမျှဝေခဲ့ကြောင်း New York Times သတင်းကဆိုပါတယ်။

Source: New York Times and TechSpot

#EnThueTech
#News
#Gaming