mini PC ဈေးကွက်သို့ ဝင်ရောက်လာမည့် Xiaomi

အသေးငယ်ဆုံး PC form factor ဈေးကွက်ဟာ လွန်ခဲ့တဲ့နှစ်တွေအတွင်းမှာ သိသိသာသာကြီးထွားလာပါတယ်။ အစောပိုင်းနေရက်တွေမှာ Intel နဲ့ အခြားထိုင်ဝမ်အခြေစိုက် ကုမ္ပဏီတွေဟာ mini PC တွေကိုထုတ်လုပ်ခဲ့ကြပါတယ် ဒါပေမယ့် အခုဆိုရင် casing ထုတ်လုပ်သူတွေဟာလည်း စွမ်းဆောင်ရည်ကောင်းတဲ့ mini-ITX desktop တွေ၊ mobile PC ချစ်ပ်တွေနဲ့ဖန်တီးထားတဲ့ လက်တဝါးစာ PC တွေအပေါ်အာရုံစိုက်လာကြပြီး တရုတ်ကုမ္ပဏီတွေကပါရောင်းချနေကြပြီဖြစ်ပါတယ်။ Xiaomi ဟာ သူတို့ရဲ့ ‌ကျော်ကြားလှတဲ့ smart ဖုန်းနဲ့ laptop အမှတ်တံဆိပ်တွေရဲ့အားကိုအသုံးချပြီး mini PC ဈေးကွက်ထဲဝင်ရောက်ဖို့ပါစဉ်းစားနေပြီဖြစ်ပါတယ်။ Weibo မှာတင်ထားတဲ့ ပိုစ့်တွေအရ mini PC ၂မျိုးကိုမိတ်ဆက်ဖို့ပြင်ဆင်နေပါတယ်။

Mini Host - front view (Image: Weibo)

Mini Host - back view (Image: Weibo)

Custom 100W PSU (Image: Weibo)

Xiaomi ရဲ့ Mini PC တစ်ခုကတော့ Mini Host လို့ခေါ်ဆိုပြီး case ချည်းသီးသန့်ဖြစ်ကာ အတွင်းမှာ custom PSU တစ်ခုပါဝင်ပါတယ်။ casing ဟာ GPU ကို slot ၂ခုစာအရွယ်အစားအထိထောက်ပံ့ပေးနိုင်ပေမယ့် PSU ကတော့ 100W အထိသာခွင့်ပြုထားပါတယ်။ PSU ကိုပိုစွမ်းအားကောင်းတဲ့အမျိုးအစားနဲ့လဲလှယ်လို့ရနိုင်မလား‌ဆိုတာတိတိကျကျမသိရသေးပါဘူး။ Weibo ကပုံတွေအရ လေပေါက်တွေက case အနောက်ပိုင်းမှာသာရှိနေပြီး 90mm fan ၂ခုကိုတပ်ဆင်လို့ရဖွယ်ရှိပြီး ထိပ်နဲ့အောက်ခြေမှာ လေပေါက်အချို့ရှိနိုင်‌ ပေမယ့် ပုံထဲမှာမမြင်ရပါဘူး။ သူ့မှာ PSU နဲ့ချိတ်ဆက်ထားတဲ့ special key caps တစ်ခုပါဝင်ပြီး သုံးစွဲသူအနေနဲ့ Windows+M ကိုနှိပ်တဲ့အခါ special function တစ်ခုကို unlock လုပ်ပေးနိုင်ပါတယ်။

နောက်တစ်ခုတော့ Intel NUC လိုပုံစံပါ။ ဒီစက်မှာ AMD ရဲ့ Ryzen 6800H နဲ့ Radeon 680M iGP ပါဝင်လာမယ်လို့ ကောလာဟလထွက်ပေါ်နေပါတယ်။ RAM 16GB၊ 512GB storage၊ front panel မှာ USB-A ၂ခု နဲ့ audio jack တစ်ခုပါဝင်ပါတယ်။ ဈေးနှုန်းက တရုတ်နိုင်ငံမှာ 3999RMB ရှိပြီး US$570 လောက်ရှိကာ အနောက်နိုင်ငံဈေးကွက်အတွက်က ဈေးနှုန်းကွဲပြားနိုင်ပါတယ်။

Source: Notebookcheck

#EnThueTech
#News