မျက်လုံးကို Deep Fake ဆန်ဆန်ပြုလုပ်နိုင်သည့် NVIDIA Broadcast ၏ Eye Contact feature

NVIDIA Broadcast ဟာ အသုံးပြုသူတွေအနေနဲ့ video ဖန်တီးခြင်း၊ streaming လုပ်ခြင်းနဲ့ video conference မှာ အစည်းအဝေးလုပ်ခြင်းတွေမှာ မိမိမျက်လုံးကို ကွန်ပြူတာမျက်နှာပြင်ကို ကြည့်ရှုနေသလိုဖြစ်အောင်ဖန်တီးနိုင်တဲ့ Eye Contact feature ကိုထည့်သွင်းလာပြီဖြစ်ပါတယ်။ ဒီလိုအမိုက်စား feature ကို AI နဲ့ ကင်မရာအကူအညီကိုယူပြီးဖန်တီးထားတာပါ။

Eye Contact ကိုလက်ရှိ beta အဆင့်မှာအသုံးပြုနိုင်ပြီး AI အကူအညီနဲ့ မျက်နှာပြင်ကိုတကယ်မကြည့်နေပေမယ့် ကြည့်နေသယောင်ဖြစ်အောင်ဖန်တီးပေးမှာပါ။ အသုံးပြုသူရဲ့ မျက်လုံးအရောင်နဲ့ မျက်တောင်ခတ်ပုံစံကိုလည်းဆက်လက်ထိန်းသိမ်းပေးထားဦးမှာဖြစ်သလို ခပ်လှမ်းလှမ်းကြည့်လိုတဲ့အခါ Eye Contact ကို အလိုအလျောက်ဖြုတ်ချထားမှာဖြစ်ပါတယ်။

ဒီ feature ဟာ content ဖန်တီးသူတွေအတွက်တကယ်ကောင်းမွန်ပြီး ဇာတ်ညွန်းကိုဖတ်နေလို့ရတဲ့အတွက် အချိန်ကုန်သက်သာစေမှာဖြစ်ပါတယ်။ ဒါ့အပြင် NVIDIA Broadcast မှာ enhanced vignette၊ blur၊ နောက်ခံပုံရိပ်ပြောင်းလဲခြင်းနဲ့ အခြား feature တွေကိုပါထပ်မံထည့်သွင်းလာပါတယ်။ NVIDIA အနေနဲ့ သူတို့ရဲ့ Broadcast software ကိုဆက်လက်တိုးတက်အောင်ဖန်တီးလိုပြီး သုံးစွဲသူတွေအနေနဲ့ ဘယ်လို feature တွေမြင်လိုသလဲဆိုတာကိုသိရှိလိုတယ်လို့ဆိုပါတယ်။ Software အကြောင်းတစ်ခုခုသိလိုတာပဲဖြစ်ဖြစ် ပြဿနာတစ်ခုခု သို့ bug တွေကြောင့်ပဲဖြစ်ဖြစ် NVIDIA Broadcast forum မှာလေ့လာနိုင်ပါတယ်။

Source: NVIDIA and Hot Hardware

#EnThueTech
#News
#Software #AI