တရုတ်နိုင်ငံအ‌ခြေစိုက် HKC မှ 4K OLED နှင့် 240 Hz အထိရနိုင်သည့် ၂၇လက်မ gaming display များကို မိတ်ဆက်

Image via wccftech

တရုတ်ကုမ္ပဏီ HKC ဟာ ဖျော်ဖြေရေးနဲ့ ဂိမ်းကစားဖို့အတွက် OG27QK နှင့် MG27U monitor တွေကိုမိတ်ဆက်လိုက်ပါတယ်။ တရုတ်ပြည်တွင်းအခြေစိုက်တဲ့ HKC ဟာ ၁လက်မကနေ ၆၀လက်မအရွယ်အစားအထိရှိတဲ့ display တွေကိုထုတ်လုပ်နေတာဖြစ်ပါတယ်။

Image via wccftech

OG27QK က ၂၆.၅လက်မရှိတဲ့ OLED display panel ကိုအသုံးပြုထားပြီး resolution က 2560 x 1440 ဖြစ်ကာ 240Hz refresh rate နဲ့ 0.03ms GTG response time ရှိပါတယ်။ ဒါ့အပြင် မော်နီတာဟာ peak brightness ကို 1000 nitsအထိရနိုင်ကာ color gamut ကို 98.5% DCI-P3 ရှိကာ color bit က 10bit ဖြစ်ပါတယ်။ ဒီမော်နီတာရဲ့ရုပ်ထွက်က ဂိမ်းအတွက်ရောအလုပ်အတွက်ပါသုံးနိုင်ပါတယ်။ panel ကလည်း LG ကိုအသုံးပြုထားတာမို့ မော်နီတာရဲ့ အရေအသွေးကိုစိတ်ပူစရာမလိုပါဘူး။

Image via wccftech

OG27QK ဟာ HDMI၊ USB extension၊ Type-C နဲ့ DisplayPort ကိုအထောက်အပံ့ပေးတယ်ဆိုပေမယ့် port တွေဘယ်လောက်ပါတယ်ဆိုတာအတည်ပြုဖို့လိုပါသေးတယ်။ USB interface ကတော့ 90W အထိအထောက်အပံ့ပေးထားပြီး ဘယ်ပစ္စည်းနဲ့မဆိုချိတ်ဆက်နိုင်ပါတယ်။ မော်နီတာဟာ အနည်ရောင်ကိုယ်ထည်နဲ့ဖြစ်ကာ ကျောဘက်မှာ RGB lighting လည်းပါဝင်ပါတယ်။ ဒီမော်နီဟာ LG နဲ့ Samsung ကြီးစိုးထားတဲ့ တရုတ်ဈေးကွက်မှာရွေးချယ်စရာကောင်းတစ်ခုဖြစ်လာပါလိမ့်မယ်။

Image via wccftech

ဒါ့အပြင် HKC Aegis MG27U မော်နီတာကိုလည်းမိတ်ဆက်ခဲ့ပြီး ၂၇လက်မ nano IPS panel နဲ့ 4K resolution ဖြစ်ပါတယ်။ refresh rate က 160Hz ရှိပြီး 1ms GTG response time ရှိပါတယ်။ HDR600 ကိုအထောက်ပေးပြီး color gamut ပိုင်းမှာတော့ 98% DCI-P3 နဲ့လာပါတယ်။

Image via wccftech

Image via wccftech

Aegis MG27U ရဲ့ ဒီဇိုင်းဟာ ပါးလွှာပြီး ကိုယ်ထည်ကအနက်ရောင်ဖြစ်ပါတယ်။ မော်နီတာstand မှာ အနီရောင်အနားကွတ်ပေးထား စိတ်ကြိုက်ပုံစံမှာထားပြီးကြည့်နိုင်ပါတယ်။ အသေးစိတ်ကိုမသိရသေးပေမယ့် HDMI 2.1 နဲ့ DP 1.4 ကိုအထောက်အပံ့ပေးပါတယ်။

OG27QK နဲ့ Aegis MG27U ကို တရုတ်ပြည်ဈေးကွက်မှာ အကန့်အသတ်နဲ့သာရောင်းချနေပြီး ဈေးနှုန်းက 4699RMB ($660) နဲ့ 3599RMB ($505) အသီးသီးရှိပါတယ်။

Source: wccftech

#EnThueTech
#News
#Display